Úr eldgosinu í holuhrauni losna gosefni. Þau fara út í andrúmsloftið og geta haft áhrif á heilsu manna. Gosefnin sem eru algengust eru vatn (h2o), koldíoxíð (co2), brennisteinsdíoxíð ( so2), kolmónoxíð ( co ), vetnisklóríð (HCI), vetnisflúoríð (HF) og helíum (HE) en minna af því.

 

Mestu áhrif á heilsu manna eru út af so2, einkennin eru oft ertingur í hálsi,augum og öndunarfærum og ef efnið er mikið getur fólk fundið fyrir öndunarerfiðleikum. Fólk með astma, berkjubógu, lungnaþembu eða hjartasjúkdóma er viðkvæmara fyrir brennisteinsdíoxíðinu en annað fólk og fær einkenni við lægri styrk en aðrir. Ekki er vitað að börn séu viðkvæmari fyrir þessu en annað fólk en allur er varinn góður og er ágætt að láta börn gera eins og hinir sem eru með öndunarsjúkdóma.

 

Þess vegna er það mikilvægt að fylgjast með styrk so2 í andrúmsloftinu. Það sem hefur áhrif á magn so2 er það magn sem losnar úr gosinu, en líka vindáttir og vindstyrkur.

 

Efni í gosinu

 

Efni                                                  Er það skaðlegt?

Brennisteinsdíoxíð                     Skaðlegt í miklu magni

Svifryk                                            Skaðlegt ef það kemst í öndunarfæri

Brennisteinsvetni                       Skaðlegt í miklu magni

Koldíoxíð (co2)                             Meinlaust

Kolmónoxíð (co)                          Heilsuspillandi

Köfnunarefnisoxíð                     Skaðlegt í miklu magni

Óson                                               Skaðlegt fyrir menn og plöntur